TORTA DE SANTIAGO

Rematamos o noso Camiño Francés e chegamos a Santiago de Compostela, capital de Galicia e culminación desta ruta de peregrinación.

Nesta fermosa cidade os peregrinos e peregrinas terán por fin a ocasión de visitar a marabillosa Catedral de Santiago, onde poderán contemplar o Pórtico da Gloria ou trasladar ao Apóstolo os seus desexos e peticións.

Despois de tanto esforzo por conseguir a Compostela é hora dun merecido descanso, e que mellor que unha torta de Santiago ben fresquiña para rematar o día.

Esta torta trátase dun manxar típico de sobremesa que ten como ingredientes principais a améndoa e os ovos. As primeiras noticias que se coñecen da súa receita remóntanse a 1577, durante a visita de Dom Pedro de Porto Carrero á Universidade de Santiago de Compostela, onde lle serviron unha Torta Real (actualmente coñecida como torta de Santiago). A Cruz de Santiago gravada na parte superior da torta comezou a colocarse no ano 1924.

E así rematamos este proxecto compartindo con todos e todas a receita máis esperada durante todo o Camiño de Santiago Francés.

Moitas grazas por seguirnos neste proxecto e por disfrutar con nós dos mellores e máis coñecidos doces de Galicia.

TORTA DA AVOA

De todas as sobremesas que podemos atopar en Galicia hai unha que seguro coñecedes: a torta da avoa.

A nosa seguinte parada no Camiño de Santiago Francés é en Palas de Rei, zona de descanso obrigada para os peregrinos según o Códice Calixtino, a tan só 68 km de Santiago de Compostela, que conta con un extenso patrimonio arqueolóxico e arquitectónico como Castelo de Pambre, Pazo de Ulloa ou a Igrexa de Vilar de Donas.

A súa gastronomía tradicional galega sorprende polo seu gran sabor en produtos da terra. E de tradicións queremos falar con esa torta tan boa e sinxela que facían as nosas avoas na casa.

Aínda que as receitas poden variar segundo as tradicións familiares, os ingredientes básicos son comúns e case sempre están dispoñibles na nosa cociña: galletas, chocolate e cremas. É unha receita laboriosa pero paga a pena o traballo para disfrutar do seu sabor delicioso.

De seguido podedes ver a nosa versión desta torta tan coñecida: 

FLAN DE LICOR CAFÉ

Seguimos o noso camiño Francés con parada en Sarria, localidade situada na provincia de Lugo a 100 kilómetros de Santiago de Compostela. Nesta vila os peregrinos e visitantes podrerán apreciar os monumentos que aínda se conservan do s. XIII e dunha gastronomía no que destaca principalmente o polbo á feira.

Seguramente moitos de vós sabedes do ingrediente secreto da receita que vos presentamos hoxe, pois é un dos licores máis coñecidos de Galicia. O Flan de Licor café.

O licor café é un dos licores estrelas. O seu sabor intenso obtido da mestura de café, azucre e augardente  convírteo na bebida perfecta para pechar unha comida ou disfrutar da sobremesa.

É por iso que, aproveitando este sabroso licor, un dos postres típicos galegos é este delicioso flan, moi fresco para o verán e cun profundo sabor.

* Este delicioso flan conten licor,  polo que non é apropiado para os más pequenos da casa.

SEGUINDO O CAMIÑO FRANCÉS

Desde Postres de Mamá iniciamos un novo proxecto no que faremos chegar a todos e todas varias sobremesas típicas de Galicia.

Estamos moi ilusionadas con esta proposta e esperamos que vos encante. Imos darvos a coñecer 4 sobremesas típicas galegas seguindo o camiño de Santiago Francés que parte desde O Cebreiro para chegar ata Compostela. Durante este particular camiño que iniciamos hoxe, peregrinos e galegos poderán ver no noso blogue as receitas con todos os ingredientes e preparación de cada unha delas. Estade atentos ás nosas redes para saber cando chegarán as seguintes!

–––––––––––––––––––––––– RECEITA ––––––––––––––––––––––––––

O queixo de O Cebreiro ten un sabor peculiar e a súa característica forma de fungo ou gorro tamén o fai diferente aos demais. É un queixo fresco que se amasa e perde gran parte da súa humidade ao moldearse en trapos polo que adquire esa forma.

O Cebreiro, pobo do que lle vén o nome a este queixo, é a entrada a Galicia do Camiño de Santiago francés e onde moitos peregrinos fan parada na súa ruta para degustar este fantástico queixo. Pola nosa banda, queremos facervos chegar esta torta fría de Queixo de Cebreiro e marmelo, unha combinación perfecta e moi típica na nosa terra. A continuación deixámosvos a receita. Esperamos que vos guste!